PONTEVEDRA> Pontevedra prepárase para homenaxear a vida de Javier Albatros. Pintor, músico, fotógrafo ou hostaleiro foron algunhas das facetas deste pontevedrés que faleceu a mediados do mes de xaneiro. Os seus amigos recordarano este venres no café Bizarro, cun coloquio sobre a súa vida,a proxección dun pequeno documental e a actuación da banda Black Stones.
No mes de xaneiro, Pontevedra despedía a Javier Albatros. Pintor, músico, fotógrafo. Na súa vida tocou diferentes paus artísticos, sempre preocupado por facer que a súa cidade entrara na modernidade.
Esta modernidade trasladouna á súa faceta empresarial. Nos 70 abriu o Pub Albatros, que moi pronto se converteu nun punto de intercambio xeracional.
Agora os seus amigos homenaxearán a súa vida. Será este venres a partires das 8 da tarde no Café Bizarro, a cafetería do Club Náutico de Pontevedra.
Ademais, está prevista a proxección dun pequeno documental sobre a súa vida e a actuación da banda pontevedresa Black Stones.
