RIBEIRA> Dende hoxe xa está activo o servizo de salvamento e socorrismo nas praias de Ribeira para garantir a seguridade e o benestar dos bañistas este verán.
Serán un total de 23 socorristas, un número superior ó de anos anteriores, cumprindo así un compromiso adquirido o pasado ano polo Concello.
Ademais de aumentar o persoal que prestará servizo nos areais, para atender calquera incidencia que poida xurdir neles, tamén se ampliou o número de praias.
A de Coroso, o Vilar e a Ladeira, sumaranse este ano Castro-Katía e Río Azor.
O servizo, financiado na súa maior parte con fondos propios, estará operativo dende hoxe ata o 15 de setembro.
