POBRA> Un verán máis a Pobra do Caramiñal segue a apostar pola Semana do Mar, para seguir afondando no vínculo da localidade co mundo marítimo.
A actividade, organizada dende a área de Turismo, desenvolverase do 5 ó 14 de xullo.
O programa incluirá actividades de diversa índole, dirixidas a satisfacer os gustos de todo tipo de públicos, tanto pequenos coma maiores.
Boa parte delas son propostas xa consolidadas en edicións anteriores, que se combinarán con outras novas.
Precisamente un dos principais atractivos da semana do mar volverá a ser o mercado mariñeiro e unha degustación de conservas a cargo do cociñeiro Miguel Mosteiro.
Outros dos grandes atractivos do programa volverán a ser os obradoiros de marisqueo, para os que cómpre inscrición previa
Tamén se poderá visitar na Casa Mariñeira a exposición ‘Compañeiras do mar e do ceo’, cedida polo Centro de Extensión Universitaria e Divulgación Ambiental de Galicia.
Para os maís pequenos programouse tamén un espectáculo infantil titulado ‘Abordaxe pirata’, de Barafunda Teatro, o día 8, ás 20.30 da tarde no Cantón da Leña.
