RIBEIRA> Os mariscadores de Aguiño atópanse inmersos na campaña de Nadal onde o percebe soe ser un dos mariscos máis demandados. A principios desta semana o prezo chegou a roldar os 200 euros.
A pesar do mal tempo, os mariscadores de Aguiño non dubidan en saír ó mar para extraer un dos percebes máis apreciados de toda Galicia. Traballan na zona sur, entre Sálvora e Sagres, algo máis abrigada dos temporais como o de hoxe que dificultou as tarefas dos percebeiros.
A campaña do percebe arrancaba en novembro máis modestamente. En decembro comezou a repuntar e nesta semana previa ó Nadal acadou o seu mellor momento chegando a roldar os 200 euros a principios desta semana.
En función das previsións meteorolóxicas os percebeiros de Aguiño volverán saír este sábado ou o luns, véspera de Noiteboa, co obxectivo de abastecer o mercado cun dos mariscos estrela deste Nadal.
