RIBEIRA> A Consellería do Mar asinou un convenio de colaboración plurianual co Centro Tecnolóxico de Galicia para detectar as causas da perda de produtividade marisqueira. O investimento de máis de 700 mil euros permitirá realizar un estudo para o cultivo de bivalvos máis resistentes á caída da salinidade.
A Consellería do Mar destina preto de 700 mil euros ó proxecto Biorem que desenvolverá o Centro Tencolóxico do Clúster de Acuicultura de Galicia en colaboración coa Universidade da Coruña. Permitirá realizar un estudo da supervivencia da ameixa xapónica e do berberecho en episodios de baixa salinidade, identificando as bacterias que resultas beneficiosas e aquelas que son prexudiciais para o estado do substrato.
Con este proxecto, a administración pretende buscar solucións á caída de produtividade marisqueira identificando as causas e aplicando solucións biotecnolóxicas.
Ademais do CETGA participarán neste estudo o Grupo de Investigación en Bioloxía Evolutiva do Centro de Investigación Científica Avanzada (CICA) e o Grupo Microalgae do Departamento de Microbioloxía da Facultade de Ciencias da Coruña.
