LOUSAME> O concello de Lousame está a traballar en varios proxectos para mellorar infraestruturas deportivas no municipio. Destacan a renovación da cuberta da pista deportiva do Sanguiñal e o céspede do campo de fútbol de Cabanetán.
O concello de Lousame ten en marcha varios proxectos para mellorar as infraestruturas do municipio. Entre os máis urxentes, a mellora da cuberta na pista deportiva do Sanguiñal que foi preciso retirar ante os desprendementos de pezas derivados do temporal.
Están tamén en marcha as obras dos novos vestiarios do polideportivo da Silva e o concello busca financiamento para as melloras no céspede do campo de herba artificial de Cabanetán.
