RIBEIRA> O Conservatorio de Ribeira acollerá neste terceiro trimestre un amplo programa de actividades formativa e concertos. Ademais dos cursos preparatorios para as probas de acceso, destacan os últimos tres encontros da Aula Galega de Saxofón.
Xa está aberto o prazo para inscribirse nos obradoiros preparatorios para as probas de acceso ó grao elemental do Conservatorio Enrique Paisal de Ribeira. Desenvolveranse en tres grupos, os luns e xoves en diferentes horarios. Ademais de abordar os conceptos básicos a exame como o ritmo ou o ton, os alumnos terán ocasión de familiarizase cos distintos instrumentos.
Admitirase un máximo de 15 alumnos por grupo e as prazas adxudicaranse por orde de inscrición. Os cursos desenvolveranse dende primeiros de abril a princpios de maio e as probas de acceso terán lugar a mediados de xuño. Ademais desta oferta formativa, ó longo do terceiro trimestre terán lugar os tres últimos encontros da Aula Galega de Saxofón.
O primeiro previsto para esta fin de semana, a cargo de Xabier Casal e Carlos Ordóñez, coincidirá co Seminario de Música Antiga.
