BOIRO> Sete centros de educación especial participarán no Campionato Barista que se celebra en Boiro o 15 de maio. Dous alumnos de cada escola disputaranse o título a través de tres probas nas que deberán elaborar diferentes especialidades de café.
Por terceiro ano consecutivo, o Pazo de Goiáns acollerá o Campionato Barista de Centros de Educación Especial de Galicia. Nesta edición incrementa o número de participantes con sete escolas representadas.
Participarán dous alumnos por centro que deberán elaborar tres especialidades baixo a atenta mirada dun xurado experto que puntuará cada proba en base ós criterios de rigor e profesionalidade.
A xornada dará comezo ás dez da mañá no Pazo de Goiáns. Tras rematar o concurso e a entrega de premios, tódolos asistentes disfrutarán dun xantar de confraternidade.
