GALICIA> Alfonso Villares dimite como Conselleiro do Mar tras unha denuncia por agresión sexual. Villares anunciou esta tarde a súa renuncia, ao coñecer que está a ser investigado polo Tribunal Superior de Xustiza de Galicia por un presunto delito de agresión sexual. Na súa comparecencia, o xa exconselleiro insistiu en que os feitos afectan exclusivamente á súa esfera estritamente persoal. Así as cousas, explicou que dá o paso para non danar á institución.
Con esta dimisión, Villares renuncia ás súa condición de aforado para defenderse, dixo, como un cidadán normal e insistiu na súa inocencia. Villares ocupa o cargo de conselleiro dende o 2023, cando saltou á política autonómica despois de 16 anos como alcalde de Cervo, na provincia de Lugo.
Pouco despois de que Alfonso Villares anunciara a súa dimisión, o presidente da Xunta Alfonso Rueda nomeaba a Marta Villaverde Acuña como nova conselleira do Mar. Ata o de agora, Villaverde era directora xeral de desenvolvemento pesqueiro. Está previsto que tome posesión mañá ás 9 e media da mañá no Pazo de Raxoi. En nota de prensa, Rueda tamén agradeceu o traballo e a dedicación de Alfonso Villares e desexou a pronta resolución da súa situación.
