PORTO DO SON> O Conselleiro de Xuventude inaugurou os campamentos que promove a Xunta durante o verán. Fíxoo en Porto do Son, nas instalacións do campamento do Loreto, que recibiron xa á primeira quenda de mozos procedentes de diversos puntos de Galicia e mesmo doutras comunidades.
A Xunta de Galicia promove un verán cheo de experiencias para a mocidade a través da súa ampla oferta de campamentos xuvenís que este ano medra en número de prazas ata superar as 11.600. Entre as opcións preferidas polos participantes destaca o campamento do Loreto polo seu emprazamento privilexiado fronte ó mar do que xa disfrutan os 120 rapaces da primeira quenda.
Ademais da experiencia inesquecible para os participantes, dende a Xunta destacan a aposta pola conciliación que supón para as familias que se atopan ante as dificultades para compaxinar traballo e lecer durante o período estival. Xunto cos campamentos destacan as numerosas actividades culturais para a mocidade que se desenvolverá ó longo de todo o verán en Galicia, como o Festival Rompetiño que se celebra esta fin de semana en Porto do Son.
