A POBRA> O concello da Pobra está a acometer a limpeza do cauce do río Lérez no seu treito urbano para evitar desbordamentos durante a época de chuvias. Os operarios municipais procederon á retirada de sedimentos e restos de vexetación acumulados en varios treitos.
O executivo da Pobra ten, entre as súas prioridades, a limpeza e mantemento dos leitos fluviais para evitar crecidas e desbordamento como as do pasado inverno. Nos últimos días, o concello acometeu a retirada de sedimentos no río Lérez, na aldea da Raña. Os traballos consistiron na eliminación da area, terra e vexetación acumulada nunha das marxes do río que dificultaban o fluxo natural da auga.
Tras esta intervención, o concello ten intención de actuar en máis treitos deste e doutros ríos que atravesan o termo municipal. Con este fin, xa solicitou a autorización de Augas de Galicia para intervir na zona da desembocadura do río Lérez que precisaría dunha actuación máis ampla.
