PONTEVEDRA> A Deputación de Pontevedra entregou hoxe as primeiras axudas ás agrupacións de Protección Civil. En concreto, foron 22 as beneficiadas por esta nova liña de achegas posta en marcha polo goberno provincial. Dotada con 100.000 euros, repartiu subvencións comprendidas entre os 5.000 e os 2.000 euros para a compra de equipamento, ferramentas ou uniformes.
A Deputación de Pontevedra repartiu 100.000 euros entre 22 agrupacións de Protección Civil de distintos concellos da provincia. Trátase das primeiras axudas que a institución provincial deseña especificamente para estes colectivos.
Así, as subvencións movéronse entre os 5.000 e os 2.000 euros, dirixidos a diversos investimentos para a adquisición de equipamentos, de material para emerxencias, de epis, maquinaria de extinción de lumes, material sanitario, medios de telecomunicacións, equipos informáticos, ferramentas ou uniformes.
López asegurou que a Deputación xa está a deseñar a segunda convocatoria desta liña de axudas.
Entre as beneficiarias, están as agrupacións de Protección Civil de Valga, Cambados, Vilagarcía, Meis, Poio, Caldas, Vilanova, Cuntis, Ribadumia, Portas e Moraña.
