RIBEIRA> Ribeira será esta fin de semana o epicentro da vela galega coa disputa do Campionato Galego da Clase ILCA organizado polo Club Náutico e Deportivo de Ribeira e a Federación Galega de Vela.
A cita desenvolverase do 28 ó 30 de marzo, coa participación dun cento de regatistas chegados dende diferentes clubs de toda Galicia que competirán en tres categorías ILC 4, ILCA 6 e ILCA 7.
Dende o Concello, que colabora tamén coa organización desta Regata, destacaron a importancia de poder acoller este tipo de probas deportivas, un exemplo máis da vinculación do municipio co mar.
A proba conta co patrocinio de numerosas empresas da zona, como é o caso de Frinsa, Congalsa ou Gadis, entre outras.
