As obras de reforma da Praza Rafael Pazos, en Vilaxoán, serán acometidas pola empresa Seixo. Os traballos teñen un custe de 180 mil euros e un prazo de execución de dous meses e medio.
A Xunta de Goberno Local de Vilagarcía adxudicou á empresa Seixo as obras de reforma da Praza Rafael Pazos, en Vilaxoán. O proxecto den un custe de 180 mil euros e prevese un prazo de eexecución de dous meses e medio. A empresa eliminará o actual firme, que será sustituido por un pavimento no que se combinará a pedra, no adoquín e no perímetro exterior da praza, e o adoquín, na zona de circulación de vehículos.
Paralelamente acometerase a limpeza e acondicionamento da rede de saneamento, a renovación parcial da rede de abastecemento de auga, e a instalación de novas pezas de alumeado público. A Xunta de Goberno Local tamén adxudicou a mellora de servizos na rúa sobradelo, valorada en 60 mil euros. Os traballos serán acometidos por CCS, cun prazo de dous meses.
Redacción Salnés
