O Portonovo salda con 2-1 o derbi de Terceira División contra o Arosa

En fútbol, destacamos en Terceira División, a sexta derrota consecutiva do Arosa e, pola contra as cinco xornadas que leva o Céltiga sen coñecer a derrota. O Arosa xogou en Baltar contra o Portonovo, que gañou 2-1; mentres que o Céltiga empatou a 2 co Lugo. En Rexional Preferente, empate a cero en Cambados, e o Unión O Grove venceu a domicilio ó Gondomar por 1-3.

Sexta derrota consecutiva do Arosa. Sucedeu no feudo do Portonovo. O derbi arousán de terceira división saldouse cun dous a un a favor do equipo de Pedro Ferreira. Sen embargo a imaxe dos de Milucho mellorou bastante. O Arosa foi o primeiro en crear perigo e o dominio territorial correspondeu ós visitantes, que forzou sete saques de esquina que se saldaron sen consecuencias. No minuto 42 chegou o primeiro tanto local cun remate de cabeza de Aitor Díaz. Na segunda metade o Arosa dispuxo de máis oportunidades pero o sgundo gol foi novamente do Portonovo, cun remate de Úbeda. Cara o final do encontro chegou o único tanto do Arosa, que marca Cés.

No grupo sur de Rexional Preferente, xogou na casa o Cambados, pero non logrou pasar do empate a cero contra o Cortegada. Foi un partido de baixa calidade técnica no que xustificaron porqué ocupan os últimos postos da clasificación. Os locais buscaron a área rival e os ourensanos dedicáronse só a defender e non dispararon ningunha vez á meta do Cambados.

Redacción Salnés