RIBADUMIA > Trala disputa das sete probas do Open Caixanova este domingo Ribadumia acollerá, por terceiro ano consecutivo, o Campionato de Galicia de Ciclocross. A partir das dez e media da mañá os ciclistas galegos de todas as categorías defenderán os seus cores nun circuíto no que tamén se disputará o Campionato Nacional.
A disputa do Campionato de Galicia será a penúltima referencia para o seleccionador Galego de cara a elección do combinado que defenderá os cores de Galicia no Campionato de España previsto do seis o oito de xaneiro, no mesmo entorno de Ribadumia. Os arredores da Carballeira serán os escenarios onde as bicicletas se conformarán como as únicas protagonistas.
A federación galega de ciclismo aposta un ano máis polo concello ribadumiense, o ideal para o ciclismo a nivel nacional e internacional.
O seleccionador Galego de Ciclocros ten xa os seus favoritos para constituír o grupo que defenderá Galicia a nivel nacional.
Un campionato no que os veciños de Ribadumia poderán admirar este deporte en todos os seus niveis, e poderá observar os futuros ciclistas que loitarán polos títulos internacionais.
Redacción Salnés
