A Deputación de Pontevedra presenta a guía de comercio De Compras

    PONTEVEDRA > A Deputación de Pontevedra presentou este xoves a Guía do comercio da provincia integrada no Proxecto Mercurio. A publicación pretende ser un estímulo ó asociacionismo comercial para aumentar a competitividade do pequeno e mediano comercio fronte ás grandes áreas.

    A guía ‘De compras’ preséntase nun formato cómodo e manexable. Nas súas 185 páxinas aparecen detallados tódolos establecementos que pertencen ós centros comerciais, integrados no proxecto Mercurio, cos seus respectivos enderezos, número de teléfono e descrición da actividade dos principias comercios, agrupados por sectores. Trátase da primeira guía editada do comercio de Pontevedra e distribuirase este domingo gratuitamente a través do Diario de Pontevedra.

    A presentación realizouse o xoves no Pazo Provincial, coa presencia do director xerente do Grupo El Progreso, a xefa de Servicios Sociais, a responsable do proxecto europeo, o representante da Federación de Comercio de Pontevedra e o conselleiro executivo do Diario de Pontevedra.

    Redacción Salnés