VILAGARCÍA > A Secretaría Xeral de Pesca Marítima do MAPA retén desde o martes no porto de Vilagarcía ó pesqueiro Gran Sol. Procedeuse á retención deste buque de bandeira panameña pero orixe descoñecida tras comprobar que se atopa incluído na lista de buques de pesca ilegal da Comisión de Pesquerías do Atlántico Nordeste.
Pesca Marítima denegou a autorización para a comercialización das capturas realizadas polo barco e instruíu un acta de infracción á lei de Pesca Marítima de España. O barco está sendo sometido a inspección tanto da carga coma das redes que emprega. Na súa paralización aplicáronse as medidas provisionais e cautelares de retención do buque por infracción moi grave ó violar as obrigacións establecidas no Tratado Internacional da Comisión de Pesquerías do Atlántico Noroccidental que establece as medidas de conservación e xestión nesta área.
Trátase dunha grave ameaza contra a explotación sostible das especies mariñas, restando efectividade ás medidas de conservación. De desbloquearse a situación o barco partiría a Moaña para someterse a unha serie de modificacións puntuais.
Redacción Salnés
