VILAGARCÍA E SANXENXO > Con respecto ós últimos sucesos acontecidos na comarca hai algunhas novidades. No roubo cometido en Sanxenxo coñécense as identidades das dúas curmás que se atopaban na casa no momento dos feitos. Trátase de dúas veciñas de Sanxenxo Ana Cristina e Irene Martínez. No caso da agresión cometida na zona TIR na mañá do domingo hai xa dous detidos. O primeiro responde ás iniciais C.J.D.B. de 18 anos e o segundo é F.L.G. de 22. Os dous son de Vilagarcía.
O móvil dos incidentes e da agresión aínda non se puideron determinar, a pesar das múltiples declaracions de testemuñas. Os detidos pasaron a disposición do Xulgado de Garda de Vilagarcía que decretou a súa libertade. A investigación continúa aberta, en especial para poder identificar a outras persoas que interviran na agresión final.
Redacción Salnés
