Entran a roubar nunha empresa de Vilaxoan pero non consiguen facerse co botín

    VILAGARCÍA > Segue a vaga de roubos en Arousa. Tralos últimos sucesos nos polígonos de Tremoedo e Meaño, a pasada noite tocoulle a Vilagarcía. Foi na empresa Coinba, situada en Vilaxoan. Os ladróns entraron polo tellado pero non conseguiron facerse con botín algún debido ó sistema de alarma e a rápida actuación da policía.
    A empresa Coinba, adicada ó secado e comercialización do bacallau, está situada na praia do Preguntoiro, en Vilaxoan. Non é a primeira vez que sofre un roubo. Ó longo da súa historia leva tres, anque só no primeiro os ladróns conseguiron facerse cun cuantioso botín. Nos dous últimos o sistema de alarma foi efectivo e impediu o roubo, anque non cuantiosos danos. Neste último intento que tivo lugar na noite de onte os ladróns romperon a alarma, pero non evitaron que a chamada de alerta chegase á policía, que actuou rapidamente. Por este motivo tiveron que fuxir sen logra-lo seu botín. Os empresarios sospeitan que buscaban metálico, porque incluso deixaron un ordenador portátil que había na oficina na que entraron. Fixérono a través dun butrón no teito, o que leva á policía a pensar que se trata dunha banda organizada,  probablemente do este de Europa. Os propietarios, que puxeron a denuncia esta mañá, calculan que os danos ocasionados ascenderán a dez mil euros.
    Redacción Salnés