RIANXO > O cambio de ano trouxo consigo tamén o cambio oficial na presidencia da Mancomunidade de Municipios Arousa Norte. O alcalde da Pobra do Caramiñal, Isaac Maceiras, substitúe neste posto o alcalde de Rianxo, Pedro Piñeiro, que veu ocupando este cargo ó longo do pasado ano 2005.
O alcalde de Rianxo Pedro Piñeiro fixo balance do seu ano á fronte da Mancomunidade de Municipios Arousa Norte agora que vén de ser relevado no cargo polo rexedor da Pobra do Caramiñal Isaac Maceiras.
Piñeiro Hermida considérase inconformista e como tal fai un balance negativo da súa presidencia, xa que segundo el sempre se podería ter realizado algo máis.
Aínda así destacou os pasos dados desde a entidade supramunicipal en sectores coma o turismo, sen esquecer outros coma o medio ambiente ou a industria.
De cara o vindeiro ano Pedro Piñeiro considera que a Mancomunidade debe plantexarse outros retos como apostar polo turismo náutico, con grandes posibilidades nesta comarca, así como tratar de achegar e implicar máis á cidadanía na entidade.
Redacción Barbanza
