VILAGARCÍA > A actividade no Porto de Vilagarcía medrou en 2005. Así o asegurou esta o seu presidente, Jesús Paz, que fixo un balance positivo polo aumento xeral do tráfico de mercancías. O obxectivo en 2006 será mellorar e traballar polo desenvolvemento industrial que xerarán as melloras das conexións terrestres co Porto, entre elas o novo vial de acceso licitado por Fomento.
Segundo comentou o seu presidente, Jesús Paz, medrou o tráfico de mercancías, en concreto, un seis por cento. Case a metade deste total correspóndese cos graneis sólidos, o trinta por cento cos líquidos e o resto coas mercancías xerais. Por grupos, o incremento máis importante experimentárono os graneis sólidos mentres que os líquidos se consolidaron.
Por mercancías, as que máis se moveron no porto foron os cereais e fariñas, o cemento e maila madeira. Pero foi en cambio o aluminio o material concreto que experimentou un maior incremento, e que Paz cualificou de estratéxico nos tempos vindeiros. Paz cualificou de vital a conexión terrestre tanto por estrada como por ferrocarril para o desenvolvemento do porto , neste senso xogará un papel fundamental o recén licitado proxecto de acceso ó porto de Vilagarcía así coma o remate das obras de ampliación de Ferrazo.
Redacción Salnés
