As ambulancias galegas en folga por un convenio decente

    GALICIA > Galicia vive estes días unha folga de ambulancias que é seguida por todos os traballadores da comarca de Arousa. O motivo deste parón laboral, convocada polos tres sindicatos maioritarios, é establecer un convenio colectivo autonómico que mellore as precarias condicións destes traballadores. As ambulancias cumpriron durante todo o primeiro día os servizos mínimos de urxencia.

    folgaambulancias3_200_180106.jpg

    Os traballadores só piden que se cumpra con medidas de seguridade básicas para os pacientes que trasladan. Actualmente os traballadores do 061 fan roldas  de 24 horas e os de outras empresas como Ambulancias de Arosa de 12.

     

    Nestes intres a mesa de negociación está paralizada xa que a patronal non accede ó cumprimento destas normas básicas de seguridade.  No primeiro día da folga os servizos mínimos das ambulancias cumpríronse polo que os cidadáns teñen asegurado o traslado dos casos urxentes. En principio a folga está convocada ata o vindeiro día 20 aínda que non descartan facela indefinida se non se chega a ningún acordo serio.

     

    Dende Ambulancias do Salnés aseguraban este mércores que seguen o paro en solidariedade cos seus compañeiros pero que non lles afecta posto que non traballan para o SERGAS máis que nos servizos que lle prestan ó 061 e que seguen activos a pesares da folga, posto que cobren o cen por cen das urxencias que se producen.

    Redacción Salnés