CAMBADOS > A asociación de comerciantes Cambados Zona Centro presentou os resultados da primeira enquisa realizada ós socios. O cincuenta e un por cento dos asociados a Zona Centro cren que este Nadal foi un dos peores economicamente, que o alumeado das rúas foi mellor e que as campañas publicitarias non chegan ó cliente.
Aínda que non está rematada completamente a enquisa realizada ós socios de Zona Centro, pódense sacar algunhas conclusións. Segundo o 51.72 por cento dos enquistados este Nadal foi un dos peores economicamente de toda a historia. En canto o traballo desenvolvido pola asociación un 52 por cento cre que o alumeado das rúas durante estas datas de festa foi mellor que o pasado ano e as campañas publicitarias non chegan ó cliente polo que non inflúen nas vendas finais.
Por outra banda a directiva da asociación fixo unha chamada ós hostaleiros para que nomeen unha persoa que represente as queixas e necesidades do sector. Ademais lembrouse que no mes de xuño celebraranse as eleccións da nova directiva da asociación polo que se animou ós comerciantes se presenten.
Redacción Salnés
