CAMBADOS> A campaña de seguridade vial 2.006 comezarase en Cambados a vindeira semana nos centros culturais e nas parroquias. As xornadas comezaran ensinándolles os rapaces as normas básicas de conducción e dos peóns. A segunda parte será en semana santa e impartirase por técnicos e policías locais. Para pechar a campaña os rapaces máis avantaxados saíran a patrullar polas rúas cambadesas.
Os obradoiros comezaran a vindeira semana e desenvolveranse todos os xoves a partir das catro e media nos centros culturais de Corvillón, Oubiña, Vilariño e Castrelo e os mércores a mesma hora na Merced. Aquí os nenos terán un primeiro contacto coas normas de circulación a través de fichas e xogos. Os días 10, 11 e 12 de abril no centro comarcal do Salnés e no paseo da Calzada haberá unhas xornadas teóricas nas que participará a policía local e prácticas coa realización de circuítos. As xornadas pecharanse coas patrullas urbanas onde os alumnos máis avantaxados poderán sentirse verdadeiros policías polas rúas cambadesas.
Redacción Salnés
