VILAGARCÍA > O Partido Popular de Vilagarcía vén de criticar a actitude do equipo de Goberno no pleno sobre os orzamentos a pasada semana. Tomás Fole asegura que, para este debate, os populares estiveron máis pendentes de crear futuros lazos cos outros partidos que da relevancia dos orzamentos en si.
O edil popular, Tomás Fole, ten claro que o obxectivo principal do pleno sobre os orzamentos celebrado o xoves pasado en Vilagarcía era o de sentar as bases dun futuro posible entendemento entre o Grupo de Goberno e outros posibles aliados en vindeiras eleccións no canto de preocuparse dos orzamentos en si.
As obras ás que se refire Fole son, esencialmente, as que se levaran a cabo dentro do Proxecto Luz Salgada que supoñen un endebedamento duns 8 millóns de euros. O edil foi máis aló e falou de estratexia en contra do Partido Popular en referencia a certas frases que algúns edís dixeron no transcurso do pleno e orixe, presuntamente, das reunións mantidas entre o PSOE e os outros grupos políticos.
A estratexia dos socialistas, segundo Fole, é a de asegurarse o goberno nos vindeiros comicios e alonxar todo o posible ós populares a través de ataques constantes aproveitando filóns coma o da dimisión de tres edís populares fai mes e medio. O que lle preocupa a Gago, asegura Fole, é ter ben amarrado ós Independentes por medo a que cheguen nun futuro a un entendemento co PP.
Redacción Salnés
