Uns cincuenta maiores do Salnés inauguran o programa de Balnearios

    O GROVE > Este luns iniciouse na Toxa a campaña de primavera do Programa de Balnearios da Deputación de Pontevedra. Ata o venres uns cincuenta maiores da comarca do Salnés gozarán duns días de relax no Balneario da Toxa. O propio presidente da Deputación quixo darlles a benvida neste primeiro día.

    balneariotoxa_300_080506.jpgMáis de cincuenta persoas do Salnés iniciaron este mediodía na Toxa a súa participación no programa de Balnearios da Deputación de Pontevedra. O presidente do organismo provincial, Rafael Louzán, e a deputada delegada de Acción Social, Nidia Arévalo, quixeron acompañalos neste primeiro día, xunto con responsables municipais de Vilagarcía, Sanxenxo, Ribadumia e Meaño, concellos de onde proceden os participantes. Ata o venres gozarán das piscinas, servizos de masaxes, jacuzzis e saunas do Balneario da Toxa. Nesta campaña de primavera do programa de Balnearios participarán ata 279 persoas da comarca do Salnés.

    A Deputación decidiu destinar a esta iniciativa 170 mil euros dos que se beneficiarán preto de catro mil persoas de toda a provincia de Pontevedra. Os destinos elixidos neste programa son os balnearios de Cuntis, A Toxa e Mondariz. Nesta primeira edición, completáronse xa tódalas prazas polo que o organismo provincial estuda xa ampliar o programa. Esta oferta vén a completar as viaxes subvencionadas para a Terceira Idade.

    Redacción Salnés