SALNES> Mobilización da CIG e dos profesionais do Hospital do Salnés para que se inclúa á Covid 19 como enfermidade laboral para o persoal non sanitario. O decreto exclúe desta protección a profesións como os celadores ou condutores de ambulancia. O persoal non sanitario supón o 20% dos contaxios entre profesionais dos centros hospitalarios.
O pasado dous de febreiro o consello de ministros aprobou o decreto que establece a categoría de enfermidade profesional a aqueles sanitarios contaxiados pola Covid. Pero este decreto non inclúe ao persoal non sanitario como celadores, limpadores ou condutores de ambulancia.
De todos os contaxios rexistrados en Galicia entre os profesionais dos centros hospitalarios, un 20 por cento corresponde a persoal non sanitario. Dende os diferentes sectores sinalan que en moitos casos son os que máis expostos están á enfermidade.
Para que o goberno rectifique, e inclúa a estas profesións no decreto, representantes da Cig e do persoal sanitario e non sanitario do Hospital do Salnés manifestáronse hoxe diante do centro.
Dende a Cig reclaman que se inclúa nesta categoría a todos os traballos expostos ao risco de contaxio á marxe de que sexan traballadores dunha empresa pública ou privada. Agardan que o goberno rectifique que estenda a protección a todos os traballadores dos hospitais.
