BARRO > O alcalde de Barro asegura que as obras de Barosa contan con tódolos permisos. O martes varios veciños e o grupo municipal do BNG denunciaban que os traballos de explanación que se fan na zona supoñen un atentado medio ambiental e que tratarían de paralizalos. O rexedor asegura contar con tódolos informes favorables e por tanto continuará coas obras.
As máquinas continúan traballando en Barosa posto que as obras de construcción dun gran aparcamento contan con tódolos permisos, entre eles os de Medio Ambiente. Segundo o alcalde, o novo goberno paralizou o convenio asinado polo anterior pero non o suspendeu, polo que a orde de paraliza-los traballos baseándose en que xa non tiñan presuposto resulta insostible.
Ademais o orzamento existe posto que o concello, ó ver paralizado o convenio da Xunta, buscou unha nova vía de financiamento con cargo ó PRODER. Tamén recorda que a urxente ocupación foi declarada polo goberno bipartito, polo que as denuncias actuais só responden ó interés político dun grupo que tenta botar abaixo cada obra que se fai no concello.
O alcalde insiste en que case un cento de propietarios venderon sen problemas as súas fincas e só media ducia se opoñen á obra.
Redacción Salnés
