Esquerda Unida acusa a Gago de querer clausurarlles a súa oficina municipal

    esquerdaunidavilagarciamarianoibaez_100_260706.jpgVILAGARCÍA > Esquerda Unida acusa ó alcalde de Vilagarcía de querer clausurarlles a súa oficina municipal. Javier Gago anunciou este luns que desaloxaría do concello a un militante deste grupo que está a usar asiduamente o local ‘sen saber moi ben para que nin en que condicións’. EU advirte a Gago que non estaría lexitimado para intervir dese xeito nesta oficina municipal.

    O alcalde de Vilagarcía anunciaba o luns o desaloxo do concello dun militante de Esquerda Unida. Javier Gago sinalou que o edil Juan Fajardo está a permitir que no local deste grupo municipal haxa unha persoa que non é traballadora do concello nin membro da corporación. O rexedor dixo que xa lle advertira en dúas ocasións por escrito que esta persoa non está autorizada, pero non recibiu contestación por parte de Fajardo.

    esquerdaunidavilagarcia_300_260706.jpgEstas declaracións de Gago xa obtiveron resposta o mércores por parte de Esquerda Unida. Na rolda de prensa compareceron tanto o edil Juan Fajardo como o militante en cuestión, Mariano Ibáñez. Ambos consideran desmesurada a ameaza do alcalde e aseguran incluso que nas cartas de aviso tamén advertía dun posible peche da oficina municipal deste grupo. ‘Como se facía na Dictadura, preténdese clausurar un local político’, sinalou Fajardo.

    O mesmo Mariano Ibáñez, militante de Esquerda Unida, aclarou ós medios de comunicación que non vai pola oficina municipal deste grupo tódolos días, como dixo o alcalde, e sinalou que cando o fai dispón do consentimento do edil Juan Fajardo. ‘Vou alí para axudar nas tarefas da agrupación’, indicou. En canto ó anuncio de desaloxo feito polo alcalde, Esquerda Unida advírtelle a Gago que eso só estaría lexitimado en caso de altercado, delito ou intrusismo. ‘Fóra deso é un delicto, imputable tanto ó alcalde como a calquera funcionario municipal’, apuntou Mariano Ibáñez.

    Esquerda Unida considera que Gago sacou este tema para enturbiar unha semana de conflictos. Entre eles, o despido de dous profesores da Escola Obradoiro. O voceiro deste grupo, volveu saír en defensa destes traballadores e insiste en que o concello tratou de lavarse as mans para evitar futuras reclamacións económicas.

    Redacción Salnés