A delegada de Política Territorial comproba o estado das obras de Catoira

    albertogarciadelegadacptop_100_301006.jpgCATOIRA > A delegada de Política Territorial na provincia de Pontevedra supervisou as obras que se acometeron na PO-548.

    A delegada de Política Territorial, Obras Públicas e Transportes en Pontevedra, María Isabel Domínguez, estivo este mediodía en Catoira para supervisa-las obras de mellora que se levaron a cabo nos antigos treitos da PO- 548.

    Tal e como anunciara a conselleira, María José Caride, na súa visita ó concello o pasado 17 de outubro, o seu departamento investiu maís de 358 mil euros en obras de instalación dunha nova capa de rodamento, pintado e instalación de sinalización do Paseo do Mirador, un treito da Avenida da Ponte e a estrada de Abalo que leva ó polígono industrial de Bamio.

    Ademais, unha vez rematados todos estes traballos, a Consellería traspasará a titularidade das estradas ó concello tal como lle pedira no seu día o alcalde, Alberto García, quen hoxe acompañou á delegada na súa visita ás obras. Ambos puideron comenta-lo estado da obra e ademais falar cos veciños afectados. Algúns deles, da zona do polígono, no Paseo do Mirador, pediron a construcción de beirarrúas. A delegada explicoulles que nesa zona sería máis factible facer unha senda peonil, unha nova proposta de Política Territorial que consiste en diferenciar un tramo da calzada noutra cor para que sirva como beirarrúa. E iso podería facerse en breve.

    Redacción Salnés