POBRA > O alcalde da Pobra solicitará un informe ó Ministerio de Traballo sobre o futuro das oficinas da Seguridade Social na localidade.
Despois de escoita-las críticas dos membros da agrupación socialista sobre o posible traslado das actuais oficinas da Seguridade Social da localidade para Ribeira, o alcalde da Pobra do Caramiñal, Isaac Maceiras, ten previsto solicitarlle un informe ó Ministerio de Traballo e Asuntos Sociais sobre as previsións existentes para este servizo.
O rexedor pobrés amosou a súa estrañeza ante o posible peche da actual oficina da Seguridade Social na localidade como sinalaban os membros da agrupación socialista.
Debido á importancia do asunto xa decidiu tamén incluír este punto na orde do día do pleno que se celebrará a vindeira semana.
Redacción Barbanza
