CALDAS DE REIS > Arestora os praceiros debían estar instalados no local provisional situado na rúa Real, pero aínda non está acondicionado.
Responsables da empresa Proinsa comunicáronlle ó alcalde o retraso nas obras do local provisional. Sen embargo tanto os técnicos de Proinsa, como o director da obra, Santiago Domínguez, e o xefe da compañía, Juan Carlos Martín, aseguráronlle ó alcalde que esto non afectará á reforma da praza de abastos.
O mercado debe estar rematado na primeira primera quincena de xullo e parece que así será, anque directivos da Asociación da Praza de Abastos propuxeron facer algún cambio no proxecto inicial que será tratado nunha vindeira xuntanza entre comerciantes e membros da empresa.
Ademais tamén se lle enviará o proxecto á Consellería de Sanidade por se houbera que facer algún cambio. De tódolos xeitos a empresa comprometeuse a cumpri-los prazos atendendo ás demandas dos comerciantes que están preocupados cos problemas xurdidos inicialmente nesta obra.
Redacción Salnés
