CAMBADOS > Cambados Zona Centro xa ten gañador para a súa campaña do Día dos Namorados. Hoxe efectuouse o sorteo …
… no Centro Comarcal do Salnés e saíu elixido Rogelio Baúlo González, un veciño de Cambados de 38 anos de idade.
Rogelio Baúlo González foi o cliente do Centro Comercial Urbano Cambados Zona Centro que resultou premiado cunha fin de semana para dous no Hotel Louxo da Toxa. O presidente dos comerciantes encargábase este tarde de comunicárllelo por teléfono.
O afortunado terá que pasar polas oficinas da asociación a recoller o premio, que inclúe, ademais da estancia, un cocktail de benvida, acceso ó casino e ó parque mariño do hotel, ademais de almorzo e buffet. Con este galardón, Cambados Zona Centro culmina a súa campaña do Día dos Namorados, para a que repartiu 7.500 rifas entre os establecementos asociados, que foron cubertas polos seus clientes.
Redacción Salnés
