VILAGARCÍA > A precampaña do PSOE contou esta fin de semana co respaldo do xuíz da Audiencia Nacional Baltasar Garzón…
… De visita na cidade, Garzón acompañou ó alcaldable socialista Enrique León na súa visita a Carril e á rúa A Baldosa.
O xuíz da Audiencia Nacional Baltasar Garzón paseouse este sábado polas rúas de Vilagarcía e estivo en lugares como Carril e a rúa A Baldosa. No percorrido estivo acompañado de Enrique León, candidato á Alcaldía polo PSOE. Garzón indicou que lle tiña pendente esta visita desde facía tempo, e o propio León fíxolle de guía en todo momento e foille presentando ó xuíz a diversas persoas.
A axenda do candidato socialista á Alcaldía sigue incluíndo encontros para presentarse a colectivos e ós vilagarciáns en xeral e escoitar as súas demandas. O sábado pola tarde xuntou no auditorio a representantes das asociacións de mulleres para presentarlle as principais liñas de actuación do seu programa electoral en materia de muller. No acto contou co apoio da edil de Muller Victoria Hierro e do coordinador provincial do PSOE en Pontevedra, Modesto Pose.
Redacción Salnés
