CAMBADOS> Os vieireiros de Cambados súmanse a unha campaña de limpeza de fondos mariños. Dende hoxe e ata o mércores compaxinarán o seu traballo coa recollida de refugallos, no marco dun proxecto europeo. O obxectivo é estudar cal é o mellor xeito de retira-lo lixo dos fondos mariños.
Os barcos da confraría de Cambados teñen dende hoxe unha tarefa adicional. Ata o vindeiro mércores van compaxina-lo seu traballo coa limpeza dos fondos mariños. Este cometido forma parte dun proxecto europeo, o Clean Atlantic, que está a estudar cal é o mellor xeito de eliminar, dende os barcos, o lixo do mar. Aquí está coordinado polo Centro Tecnolóxico do Mar.
Na campaña da frota de volandeira conseguíronse retirar 3.000 quilos de refugallos. Unha vez rematada a campaña de recollida de lixo dos vieireiros, vaise analizar con que arte se logran uns resultados mellores.
Ademais, o proxecto serve para que os traballadores do sector tomen conciencia.
Parellas ás actividades que se están a facer en Galicia, mariñeiros do Reino Unido están a desenvolver unha campaña semellante nestes mesmos momentos. En total, cinco países membros da Unión Europea forman parte do Clean Atlantic.
