VILAGARCÍA > Varios membros da lista de EU-IU por Vilagarcía liderados polo seu candidato reuníronse coa Asociación de Veciños dos Duráns.
Juan Fajardo, acompañado doutros candidatos de Esquerda Unida por Vilagarcía, reuniuse con representantes da Asociación de Veciños dos Duráns que aseguraron estar totalmente marxinados polo goberno local. Aseguran que nin sequera se lles contesta ós seus escritos e que hai anos que non se fai nada para soluciona-los principais problemas do barrio, como son os problemas de tráfico que xera a estación de autobuses, situada xusto no centro do barrio. Esquerda Unida asegura que, de chegar ó goberno, tentará traslada-la estación e converter eses terreos na gran zona verde que precisa Os Duráns.
Tamén se comprometeu a xestionarlles un local social, posto que o actual goberno local non foi quen de cederlles un espazo a pesares das numerosas peticións feitas polos veciños. A vindeira reunión de Esquerda Unida será o sábado cos veciños de Bamio.
Redacción Salnés