CALDAS > De novo temos que falar de mortos nas estradas. Nesta ocasión foi en Carracedo, onde esta mañá falecía unha moza chamada Sandra.
Ocorreu ás 11 e cuarto da mañá neste cruce na N-550 á altura de Carracedo, en Caldas. A moza, Sandra C. L. ía nun ciclomotor Piaggio cando tratou de adiantar no carril central que dá acceso á zona de Cope a varias caravanas que esperaban o paso dun camión que viña de frente. Así o contaba no lugar dos feitos, moi 
nervosa, a muller que ía no camión xunto co conductor, un veciño de Vilanova de 49 anos que saiu ileso. Sandra adiantou ás caravanas coa intención de cruza-lo carril contrario e meterse pola estrada que levaba á zona de Cope cando bateu de fronte contra o camión perdendo a vida no acto.
Dase a circunstancia de que vivía a uns metros deste cruce, polo que en cuestión de minutos chegaron os veciños que estaban realmente conmocionados polo sucedido. Ó parecer, e segundo testemuñas presenciais, a muller non levaba posto correctamente o casco, que se atopou a varios metros do corpo. Os servizos médicos certificaron a morte da muller no lugar do sinistro.
Redacción Salnés
