CAMBADOS > Ás 12 e media da noite saíron 3 dos catro últimos detidos da ‘Operación Piraña’ contra o narcotráfico…
… Escoltados por axentes da Garda Civil foron trasladados do Xulgado de Cambados ó cárcere da Lama despois de case 10 horas de interrogatorio. O cuarto detido saíu en liberdade con cargos. No día de onte detiveron a un quinto sospeitoso que está prestando declaración nestes intres. Con esta última operación, xa son 11 os detidos.
Dende as 9 da mañá de onte levaban prestando declaración os 5 últimos detidos da operación Piraña, descuberta a organización a semana pasada tras tentar introducir 4.000 quilos de cocaína polas Rías Baixas. Xa pasadas as doce da noite saían tres dos catro detidos do Xulgado de Cambados cara ó cárcere da Lama. O cuarto saíu en liberdade con cargos.
Os presuntos narcotraficantes están identificados como Juan Antonio G.L, procedente de Vigo que, aínda que carece de antecedentes, foi investigado durante anos. Emilio S.F, duns 45 anos e casado en A Modia (Cambados) e residente ó carón da vivenda onde foi asasinado Ramón Outeda no ano 2005 nun presunto axuste de contas, e que ademais forma parte dun clan coñecido como ‘Os Machuchos. O terceiro dos presuntos narcotraficantes chámase Daniel D.V.
No día de onte tamén se produciu unha quinta detención, que se prevé que estea declarando nestes intres.
{flowplayer}images/salnes/operacionpirana.flv{/flowplayer}
Redacción Salnés
