PONTEVEDRA > 43.442 euros. Ese é o prezo de taxación que o concello de Pontevedra deu á propietaria da casa afectada…
…polas obras de ampliación do campo de Pasarón. Esta mañá concentrouse, acompañada pola súa familia, diante do concello porque aínda non recibira novas respecto á ocupación da súa vivenda. Finalmente foi recibida no concello e ofrecéronlle algunhas melloras na expropiación.
O Valedor do Pobo notificoulle que investigan o seu caso. Algo máis de sete millóns das antigas pesetas é o que a familia de Mª Jesús Maquieira recibirá por parte do concello cando tiren a súa casa para ampliar o campo de fútbol de Pasarón.
A propietaria non pode estar conforme con esa taxación, pois súa vivenda ten máis de 200 metros cadrados e cos cartos que lle ofrecen non poderían ir a vivir a ningures
Mentres a familia concentrábase diante do concello, comunicáronlles que o concelleiro de Persoal, Réxime Interior e Patrimonio solicitaba unha reunión para falar do tema cos afectados, que aceptaron a xuntanza Unha vez finalizada a reunión, a familia aínda non ten claro qué pasará con eles.
Falouse de vivir de aluguer durante un período duns seis meses nunha vivenda de Monteporreiro e faláronlle tamén dun piso que precisa obras, na zona do Mercado de Abastos. Estas obras, irían por conta do concello, pero a familia non sabe moi ben qué fará.
Mª Jesús di que o seguinte paso é presentar unha valoración actual da casa para ver a qué tipo de acordo poden chegar e que seguirán loitando polo seu: algo equivalente ao que teñen.
Redacción Salnés