VILAGARCÍA > O primeiro premio do sorteo de Nadal de Zona Aberta recaeu no boleto co número 118.305, que gaña 3.000 euros en vales compra. A asociación busca agora ó gañador…
Xa se coñecen os números dos boletos premiados da campaña de Nadal de Zona Aberta de Vilagarcía. A asociación celebrou onte á noite o sorteo na súa sede ante notario e cunha vintena de persoas entre o público, que fixeron ademais de man inocente para escoller as papeletas dos números. O 118.305 corresponde ó primeiro premio, de 3.000 euros en vales compra. O segundo é o 16.569, que levará 2.000 euros; e o terceiro é o 70.711, premiado con mil euros.
De momento, só apareceu a gañadora do terceiro premio, Ana Abuín Pazos, que recollerá os vales mañá na Perfumería Pérez Salgado, comercio onde lle foi entregada a rifa premiada. Zona Aberta está agora á espera de coñecer ó resto dos agraciados, que deberán presentar o boleto gañador en calquera tenda asociada antes do día 12. Segundo as bases deste sorteo, os vales de compra deberán gastarse nun mínimo de tres establecementos entre o 14 e o 20 deste mes. O colectivo repartiu 300.000 papeletas entre os seus clientes durante a campaña de Nadal. Ademais dos vales sorteouse unha cesta de Nadal que recibirá o posuidor do boleto co número 137.296.
{flowplayer}images/salnes/sorteo.flv{/flowplayer}
Redacción Salnés
