MEIS > Alcaldes e a Deputación de Pontevedra urxen á Xunta o arranxo dos danos ocasionados polas obras da autovía do Salnés. Un informe …
{flowplayer}images/salnes/autoviasalnes_alcaldesdeputacion.flv{/flowplayer}
MEIS > Alcaldes e Deputación de Pontevedra urxen á Xunta o arranxo dos danos ocasionados polas obras da autovía do Salnés. Un informe do Servizo de Vías e Obras da Deputación, valora en millón e medio de euros a contía necesaria para repor as estradas provinciais e municipais afectadas.
O presidente da Deputación e mailos alcaldes de Meis, Meaño, Ribadumia e Sanxenxo denunciaron hoxe en rolda de prensa o que consideran unha falta de respecto por parte da Xunta, xa non só coas institucións municipais e provincial senón cos propios veciños.
Os alcaldes indicaron o mal estado que presentan as estradas, o atraso na execución e posta en servizo das vías secundarias e a falta de sinalización en moitos tramos. Alcaldes e Deputación afirman que os veciños da comarca están a ter moita paciencia.
Esperan arranxar o asunto por medio do diálogo pero non descartan medidas de presión. A mensaxe diríxena á Xunta a través dos medios porque segundo din non teñen interlocutor coa Consellería de Política Territorial.
Redacción Salnés
