VILAGARCÍA > Esta mañá reuníronse en Vilagarcía o presidente da autoridade portuaria local, Javier Gago, e o presidente da…
Confederación de Empresarios de Pontevedra, José Manuel Fernández Alvariño. Entre outros temas, nesta xuntanza o titular do porto informou ó representante empresarial do estado actual destas instalacións, así como de varios proxectos de futuro; así como doutros detalles do transporte intermodal, do comercio, da industria e da empresa.
Fernández Alvariño quixo opinar sobre a polémica da chegada da vía férrea o porto de Ferrazo e deu por boa a solución escollida finalmente; por ser a máis económica e a máis rápida. Falaron tamén da futura creación de espazos industriais, e do papel de liderado na ría que debera exercer Vilagarcía.
Neste senso, será necesaria a ampliación do porto deportivo. O presidente da CEP avogou tamén pola necesidade do saneamento integral da ría, para favorecer o futuro desenvolvemento da acuicultura e do turismo. Asemade,aseguraron que é mester conectar esta zona co Barbanza, e mesmo prantexarse o desdobramento do enlace de conexión do porto da autoestrada do Atlántico, aínda por rematar.
Redacción Salnés
