VILAGARCÍA > Segunda xornada de folga no sector de limpeza de edificios e locais na provincia de Pontevedra. Os piquetes volveron hoxe …
… a actuar para controlar o seguimento deste paro en demanda dun convenio colectivo xusto.
En Vilagarcía, os traballadores da empresa Clarosol, concentráronse este mediodía diante da Casa Consistorial, precisamente un dos edificios nos que desempeñan a súa labor, amais de colexios, centro de saúde, bancos e oficinas diversas da cidade. Lembran que este sector leva desde xuño do ano pasado sen convenio porque a patronal non atende as súas demandas.
As centrais sindicais impugnarán os servizos mínimos impostos pola patronal por consideralos abusivos. Aínda así, en Vilagarcía din que si os están a cumprir. En canto ó seguimento da folga, afirman que hoxe foi practicamente total.
Redacción Salnés
