VILAGARCÍA > O temporal de neve que mantivo pechado o aeroporto de Barajas impedíu a viaxe do conxunto insular.
A Federación Española de Baloncesto ven de suspender definitivamente o encontro que mañá en Fontecarmoa ían disputar o Extrugasa e o Gran Canaria.
O motivo: a imposibilidade do conxunto insular de chegar a tempo a Vilagarcía. Perderon o seu vóo que esta tarde as tiña que desprazar ata a Vigo, debido ó temporal de neve que asolou o aeroporto de Barajas e que o mantivo pechado ata ás cinco da tarde.
O Gran Canaria pedíu o aprazamento do choque e a FEB aceptou. Agora estudiarase que data é a máis axeitada para colocar o partido.
Nun principio sí que se vai disputar o outro encontro de baloncesto, o do domingo, día no que o Inelga recibe ó líder da súa categoría, o Lan Mobel vasco. Os de Juan Espiñeira queren buscar a victoria que lles afaste da zona de descenso.
Redacción Salnés
