Detido un vigués relacionado co roubo nunha vivenda de Vilaxoán

    atraco_villajuan100_170309.jpgVILAGARCÍA> A Policía Nacional detivo este domingo a un veciño de Vigo, D. B. M., de 41 años, como presunto autor dun delito de roubo

    … con violencia e intimidación, varios roubos con forza nas cousas e un delicto de apropiación indebida. Relacionado con este caso tamén se detivo na tarde noite de onte un mozo veciño de Vilagarcía, A. M. A. G., de 36 anos, como presunto autor dun delicto de tráfico de drogas, ó proporcionar droga ó primeiro a cambio dos efectos que aquel roubaba.

    Durante a madrugada do domingo, varias dotacións policiais de Seguridade Cidadá, observaron nos aparcamentos da zona lúdica a presencia dun individuo no interior dun turismo. Ó sentirse descuberto polos axentes púxose moi nervioso intentando abandonar precipitadamente o lugar. Nese momento os axentes interceptaron o turismo e identificaron ó ocupante.

    No rexistro do interior do vehículo, atopáronse diversas xoias, varios teléfonos móbiles, pagarés, roupa e outros efectos, dos que non foi capaz de responder sobre a súa procedencia. A policía puido averiguar que algúns destes efectos figuraban denunciados polos seus propietarios como sustraídos do interior de vehículos estacionados en diversos lugares de Vilagarcía, polo que procedeu á detención do home.

    Continuando as investigacións, descubriuse que este mesmo individio tamén cometera un roubo con violencia no interior dunha vivenda de Vilaxoán, na noite do sábado. Tras ameazar cun coitelo ó dono, apropiouse de diñeiro, xoias e outros efectos. Asemade, averiguouse que o vehículo que este individuo utilizaba figuraba denunciado polo seu propietario como apropiado indebidamente.

    Na localización dos efectos que supostamente sustraera o veciño de Vigo, puidose averiguar que algún deles estaba en poder dun mozo de Vilagarcía e que ó parecer os recibira a cambio de droga. Deste xeito, detívose tamén a este individuo como presunto autor dun delicto de tráfico de drogas.

    REINCIDENTE

    A policía destaca que o primeiro detido D. B. M., cónstanlle en total trinta detencións, vinte delas contra o patrimonio. Ó segundo detido non lle constan outras detencións. Na Comisaría de Vilagarcía continúan investigando os feitos. Esta mañá os dous detidos foron postos a disposición do titular do Xulgado de Instrucción número 1 de Vilagarcía.

    Redacción Salnés