A Deputación cre que inda é cedo para falar de crise no turismo

    figueroa100_240309.jpgPONTEVEDRA> A baixa ocupación na ponte de San Xosé preocupa ó sector turístico. Sen embargo, Turismo Rías Baixas cre que é cedo para falar de crise.

    {flowplayer}images/salnes/TURISMO_RIAS_BAIXAS_240309.flv{/flowplayer}

    PONTEVEDRA> A pasada ponte de San Xosé non deixou satisfeito ó sector hostaleiro da provincia de Pontevedra. Partían cunhas previsións de ocupación do 50 por cento e non se cumpriron. Sen embargo, desde o Padroado de Turismo Rías Baixas consideran que inda é cedo para coñecer se a crise está afectando de maneira clara ó sector e piden que se espere ós datos de Semana Santa.

    O vicepresidente da Deputación informou que en abril xa terán datos da situación real do sector, a través das enquisas de satisfacción do Observatorio de Turismo. De todos xeitos, recoñece que o sector está preocupado e que mesmo achegaron á Deputación propostas de redución de tarifas.

    Figueroa afirma que a Deputación se implicará máis activamente na promoción turística da provincia. Polo de pronto, o vindeiro luns celebrarase a sexta edición do Foro de Turismo Rías Baixas. Será no edificio novo do Museo de Pontevedra e nel falarase das novas tecnoloxías aplicadas ó turismo.

    Redacción Salnés