VILAGARCÍA> Dolores García desminte as acusacións de Esquerda Unida e engade que o goberno local informará ós veciños do alcance de Luz Salgada.
{flowplayer}images/salnes/270509_total_alcaldesa.flv{/flowplayer}
Se Esquerda Unida afirmaba que co proxecto de Luz Salgada os vilagarciáns perderán aparcamentos gratuítos como o de Fexdega, a alcaldesa, Dolores García, contesta que os veciños desta zona xa dispoñen de garaxes nos seus edificios nos que poder aparcar. Dolores García desminte tamén que non se vaian ampliar os espazos verdes, e pon como exemplo a mesma explanada do recinto feiral.
Dolores García asegura tamén que a construción dos aparcamentos soterrados non ten por que implicar un perigo de inundacións, de tódolos xeitos, afirma, esa será unha cuestión que deban valorar os técnicos.
Por último a alcaldesa explicou que logo de presentar o proxecto Luz Salgada ós medios de comunicación fará o mesmo cos veciños da zona que se vai reformar, a través dunha campaña informativa na que se lles explicará o alcance da actuación.
Redacción Salnés
