VILAGARCIA> Esta mañá tivo lugar na praia de Compostela, en Vilagarcía, a presentación da luz de sectores para o novo balizamento no seu porto.
{flowplayer}images/salnes/novo_balizamento.flv{/flowplayer}
Esta luz, situada na devandita praia e aliñada co eixo do Canal de Acceso ó Porto, permitirá situar ós barcos pola vía de maior seguridade na súa entrada ó mesmo . A singularidade é que emite tres sectores de luz: a estribor, a babor e un central. Os barcos na súa entrada deberán guiarse polo eixo central diminuíndo, deste xeito, os riscos de incidencia. O sector de babor ten un alcance nocturno de 12,5 millas mentres que o de estribor chega ás 15.
Culminado este programa de balizamento e seguridade marítima , o presidente de portos, Javier Puertas, quixo deixar claro que haberá unha continuidade neste tipo de proxectos na procura da total seguridade . A luz está situada nun poste de oito metros de altitude, dotado de todo tipo de medidas de seguridade.
O custe desta obra tan demanda ascendeu ós 83.600 euros.
Redacción Salnés
