O pleno aproba un convenio para ampliar o saneamento en Lois

    pleno_ribadumia100.jpgRIBADUMIA> O Concello de Ribadumia asinará un convenio con Augas de Galicia para ampliar a rede de saneamento na parroquia de Lois.

    {flowplayer}images/salnes/pleno_ribadumia_050310.flv{/flowplayer}

    RIBADUMIA> O Concello de Ribadumia asinará un convenio con Augas de Galicia para ampliar a rede de saneamento na parroquia de Lois, cun investimento duns 394.000 euros, que financiaría ó cen por cento o ente autonómico.

    O pleno deu onte á noite o seu visto bo a este acordo que permitirá ampliar a rede ós lugares de Medoña e Casal e bombear todo o saneamento da parroquia ata a depuradora de Aldea do Monte, que ten capacidade para 800 vivendas. Aprobado o convenio, o proxecto ha de estar a exposición pública 20 días.

    O pleno tamén aprobou onte o prego de cláusulas para contratar as obras de integración do paseo fluvial no núcleo urbano de Barrantes, que sae a licitación cun presuposto de preto de 350 mil euros. A adxudicación farase por procedemento aberto e trámite de urxencia, valorando, entre outras melloras, a contratación de desempregados. As obras han de executarse antes de que remate este ano.

    Na sesión de onte á noite debateuse a desafectación do antigo preescolar de Barrantes, onde se atopa Protección Civil, a Aula de Acollida e a Escola de Ocio e Tempo Libre. Ademais, aprobouse o convenio co Arcebispado de Santiago para dispor de terreo para o tanatorio municipal.

    Redacción Salnés